Foto: Ulttyq park
Ulttyq parkte sańyraýqulaq maýsymy jazdyń ortasynan bastalyp, kúzdiń ortasyna deıin jalǵasady. Bıyl jańbyr kóp jaýǵanyna baılanysty ormandarda sańyraýqulaqtar kóp shyqty.
Tabıǵı parkte jeýge jaramdy sańyraýqulaqtar óte kóp: aq tústi sańyraýqulaq, qaıyń sańyraýqulaq, terekqulaq, qyzyl sańyraýqulaq, maıqulaq, múkqulaq, tomarqulaq, sazqatpa, arysh, qozyquıryq. Bul sańyraýqulaqtar erekshe suranysqa ıe.
Sańyraýqulaqtarda aqýyzdar, maılar, túrli mıneraldy tuzdar men fosfor qyshqyly, sondaı-aq A, V1, V2, S, D, PP1 dárýmenderine baı.
Sańyraýqulaq jınaýdyń negizgi qaǵıdalary:
• Kıim jyly, yńǵaıly jáne jeńil bolýy kerek. Basyńyz ben deneńizdiń barlyq bólikteri jabyq bolýy qajet, bul jándikterden, sonyń ishinde kenelerden qorǵaıdy.
• Sańyraýqulaq terýshi sańyraýqulaqtardyń ýly túrleri sebetke túspeýi úshin óte muqııat bolýy kerek. Eger jeýge jaramdy ekenine senimdi bolmasańyz, sańyraýqulaqty almańyz.
• Jınaý kezinde jalǵyz turǵan sańyraýqulaqtardy túbinen burap alyńyz. Eger sańyraýqulaqtar toptasyp ósse, olardy kesińiz.
• Ormanǵa kirgende sańyraýqulaqtardyń ósý ornyna zııan keltirmeý úshin taıaq qoldanyńyz. Sańyraýqulaqtardyń ósý ornyn buzýǵa bolmaıdy.
• Eger sańyraýqulaq jınaý tájirıbeńiz az bolsa nemese alǵash ret jınap jatsańyz, tájirıbeli sańyraýqulaq jınaýshymen birge barǵan jón. Ol sizdi ormandaǵy qatelikterden saqtap, jınalǵan ónimdi qalaı durys ázirleý kerektigin aıtady.
